jimmycmlin的部落格

新聞辭典~~~~~分割公債~~~~~遊子
一般的公債是由政府機關公開發行，有一定的本金、年限和利率，每定期發出利息，
年限到期，提回原來的本金‧不過，投資者買入後，無法度佇市場上公開買賣，抑準
臨時欠錢用，嘛無法度隨換做現金轉來‧按呢，分割公債又是什麼款債券？
分割公債(Strips)是將債券的本金和逐期的利息票分開，變成一種新金融商品‧債
券到期前，並無任何利息的支付，所以，分割公債攏是用折價的方式來發行抑是佇市
場上買賣，債券到期時，照原本票面的金額來償還，手內提有分割公債的人，伊賺到
的利頭就是佇買賣分割債券時，價數的差額‧
bhue按怎樣來投資分割公債？
上少金額：新台幣10萬箍‧
投資通路：投資者一定愛踮證券交易商開立證券集中保管戶，債券的交易買賣會當和股
票同齊登記佇共一本集中簿仔底‧
投資年期：分做1、2、3、4、5年期攏有‧
內容：分割公債是無利息的債券，投資者是用折價的方式買入債券，到期還票面的本金‧
適合的投資者：一般的散戶‧
優點：流動性卡懸，債券會當隨時賣出，賺到差額；因為是公債，風險本來就真低，會
當講是完全保本的商品‧適合用來規劃退休抑是囡仔的教育費‧