jimmycmlin的部落格

新聞辭典~~~~~椰子蟹~~~~~遊子
報紙寫著：為了搶救椰子蟹，環保團體連署反對拍通台26號線公路，自台東安朔到屏東旭海段
的拓寬工程，會經過一寡仔沿海古道，沿途有真濟珍貴的人文生態寶物，又因為台灣是椰子蟹
最後的故鄉‧
椰子蟹是什麼款生物？
椰子蟹是一種真特別、真珍貴稀罕的陸上蟹類，體型上大會當達到1公斤以上，真愛歇在海岸林
仔底，主要愛食椰子、榕果、林投等維生；細隻幼蟹的階段是生活在海底，大隻以後才上陸上，
拄起頭先過著一小段像寄生仔(寄居蟹)的生活，後來脫殼就自由自在行動‧
椰子蟹分佈在印度洋、南太平洋的熱帶海岸邊仔；台灣本島的恆春半島、蘭嶼、綠島等攏有椰子
蟹的跤跡，不過，因為椰子蟹的行動卡慢，伊的肉又會當食用，所以，定定予人胡亂掠去食，最
近幾年來，在台灣本島嘛已經真罕得看到啦！
1996年，農委會將椰子蟹列入為二級保育類野生動物，嘛是在台灣陸上蟹類中，唯一受到保育的
動物，10外年來，椰子蟹的數量並無明顯增加，顛倒將欲行到絕種的地步囉！無緊來搶救、保護
甘會用哩！