jimmycmlin的部落格

莊子講(47)~~~鴞鳥食腐鼠~~~遊子
惠子做梁惠王的宰相，有1工，莊子想欲去看伊‧
惠子邊仔的人聽到就去向伊講：莊子表面上是講欲來看你，其實伊腹肚內想的是欲
奪走你的位喔！予惠子聽了後心內疨疨‧
惠子看到莊子到位，就口氣無好開喙問講：你來cue我有什麼特別目的？
莊子聽到即個口氣心內有數，隨喙應講：南方有1種鳥叫做﹝宛鳥﹞﹝芻鳥﹞，伊
由南海飛到北海時，佇這遙遠的路途，如果毋是梧桐樹，伊就無歇睏；毋是竹仔花
伊毋食，毋是甘泉伊毋lim；有1工，伊飛過1隻鴞鳥的頭殼頂，迄隻鴞鳥拄佇食腐
爛的鳥鼠，迄隻鴞鳥真驚﹝宛鳥﹞﹝芻鳥﹞來搶奪伊的鳥鼠，就舉頭向天大叫幾仔
聲，想欲嚇走﹝宛鳥﹞﹝芻鳥﹞‧照按呢看，你即馬的口氣，是毋是真親像迄隻鴞
鳥共款啊！
惠子聽了後心內才感覺歹勢，講﹝勿會﹞出話來‧
所以講：名和利對一般世俗來講，是有設置的必要；不過，對有大智慧的人來講，
名和利親像是過往的雲煙，無什麼好留戀的‧一般人認為錢財雖然是愈濟愈好，其
實，生不帶來死不帶去啊！有大智慧的人會講：多多少少是多少？平平凡凡是不凡
！朋友，你認為？