jimmycmlin的部落格

新聞辭典~~~~~統計上的性命價值~~~~~遊子 2008.07.12.
媒體報導：美金變薄，逐項物件攏佇起，美國環保署公佈今年5月份子的”統計上的性命
價值”(VSL)是690萬美金(差不多是新台幣2億零974萬箍)，比5年前減少100萬美金，
美國人的性命愈來愈無價值啦！
什麼叫做”統計上的性命價值”？
伊並毋是以傳統保險業者亦是不當死亡的法律訴訟中，定定看到的個人趁錢能力、對社
會的潛在貢獻亦是受到親朋好友愛戴尊敬佮需要的程度等等條件來定的；伊是由經濟學
家根據1個人願意開偌濟錢來避免特定的風險，佮頭家人願意提出偌濟額外的津貼予薪勞
的人，予薪勞仔人會使買寡仔額外的風險，增加淡薄仔保障來計算‧
VSL大部份的數據是部份食頭路人的月給統計，小部份是部份意見調查‧雖然，美國環保
署強調毋通將VSL看做人命的價值，毋過，佇一般業界佮媒體，攏已經慣勢將VSL看做人
命價值的表示啦！