jimmycmlin的部落格

新聞辭典~~~~~予人討厭的履歷自傳~~~~~遊子 2008.07.21.
媒體報導：初入社會揣頭路的少年人，平均寄出12份的自傳履歷表，才有法度得到1擺通
知面試的機會，尤其對自傳套用固定模式的人，完全無隨人的特色，予人一看到一定就隨
(扌炎)掉啦！
依照yes123求職網的調查統計，整理出”予人討厭的履歷自傳”有下仔幾個特點：
(1).寫毋對字，文章語意袂通，又閣出現火星文‧
(2).干哪紹介過去的工作內容，無法度舉出過去的工作成果佮對過去公尺的影響‧
(3)聯絡方式無周全清楚，嘛有人出現錯誤，予人感覺無誠意‧
(4).履歷自傳的格式雜亂，拍字排版擠做伙，予人看到袂爽快‧
(5).將履歷自傳準做文學作品來寫，文章傷長掠無重點‧
(6).寫一大堆佮應徵頭路無關係的個人資料‧
(7).請別人代寫，尤其用第三者的口氣，一看就予人掠包‧
所以講：揣頭路的任何人，一定愛用心參考頂仔的建議，好好仔配合企業的需要，表現出
你的專長特點，才有機會出頭天啦！