jimmycmlin的部落格

用藥保健~~~~~DDT擋久性的有機污染物~~~~~遊子
DDT(Dichloro-diphenyl-trichloroethane的簡單寫)是有機氯農藥的一種‧佇19世
紀互人合成成功，1940年代互人大量使用，因為伊的殺蟲效果非常讚，佇全球的傳染
病和農業病虫害防治史上佔有真正重要的地位，嘛有幫助過台灣根除瘧疾(malaria)‧
毋過，伊嘛因為引發一連串的生態災難，互聯合國列為“擋久性的有機污染物”，
愛受斯德哥爾摩公約的管制，目前世界各國大多數攏將伊禁用，賰部份開發中國家
和未開發國家猶原繼續使用‧
DDT亦是一種環境荷爾蒙，目前已經知影伊的代謝物和女性荷爾蒙真類似，會干擾
男性荷爾蒙的作用，妨害男性第二性徵的出現，嘛互科學家高度懷疑和男性精蟲數量
逐年漸漸減少有密切的關連性‧
環境荷爾蒙的種類真濟，共同的特點是無容易分解，會佇環境中漸漸累積，經過食物
鏈中不斷傳續、累積，因為結構和人體、動物的荷爾蒙真共款，會干擾抑是代替體內
荷爾蒙的作用，有可能造成生殖系統變異、免疫系統受損害，互生長發育和智能發展
受到阻礙；近年來，佇乳癌、子宮內膜異位、糖尿病、注意力欠乏的過動症等等，多
項病症，嘛懷疑講和這類環境荷爾蒙有關係‧
過去已經有證實和DDT有關係的生態危機包括：加拿大(Canada)的聖羅倫斯河的白色
海翁﹝鯨魚﹞，出現著雌雄同體的現象；美國佛羅里達州的鱷魚嘛出現公的生殖器屌仔
卡短、性功能無共款的無正常情況；另外，佇歐美部份地區禽類的卵殼變卡薄去啦！群
族的數量嘛減少真濟，有部份甚至將會絕種去喔！
註：其實茨內飼三斑鬥魚、孔雀魚抑是大肚魚，攏真愛食﹝虫蒙﹞仔喔！