close
新聞辭典~~~~~蝴蝶效應~~~~~遊子 2009.11.04.
媒體報導叫咱毋通看輕蝴蝶效應，什麼是蝴蝶效應？
佇前仔世紀的70年代，美國有1位氣象學專家叫做洛倫茲，伊佇說明空氣系統理論時講：佇南美洲的亞馬遜雨林所在區域，抑準1隻蝴蝶的翅股稍可仔扇動，有可能佇2禮拜後予美國南部的德克薩斯州造成1陣捲螺仔風喔！
所以，蝴蝶效應的意思是講：起時出現的條件看起來無上眼，毋過，小小仔的變化，經過1層閣1層閣1層的改變放大，經過袂算哩擺了後，到尾仔對其他的事件亦會造成非常大的影響‧
平常時咱處理事誌時，毋通認為是細項事誌無要無緊，結果有寡仔細項事誌，經過不斷的改變衝擊放大，續尾對個人、團體組織，亦是國家社會等等，造成真大的影響，當然，是好是[禾黑]無人知！抑準是[禾黑]就全民受害，慘啦！
所以，無論個人、團體組織，亦是國家社會，欲決定政策時，是需要非常頂真的考慮才是‧
全站熱搜
留言列表
