close
新聞辭典~~~~~臨床技能檢測(OSEC)~~~~~遊子 2009.10.09.
媒體報導：未來想欲做1位正式合格的醫生，佇醫學院畢業了後，毋哪
愛經過筆試通過，亦需要通過考選部認證核可的臨床技能檢測才會用哩！
什麼是臨床技能檢測？
臨床技能檢測就是佇國外先進國家已經採行的客觀結構式臨床技能考試制
度(Objective Structured Clinical Examination;OSCE)‧
佇歐洲美國日本等國家，是用來針對醫生、護士、醫學生等等的臨床實際
知識、技能佮態度的評估考試方法‧佇加拿大是列入為醫生的國家考試內
‧
客觀結構式臨床技能考試的內容，包括：醫療面談、身體檢查、執業態度
的評估等，一般是以設置測驗站的方式來進行，分別佇幾十間小房間內連
續配置，逐站是無共的題目‧佇測驗過程中，攏會安排有接受過訓練的標
準病人亦是模型假人來進行實地測驗，而且依照標準清單來記錄應考者的
表現，標準病人對應考者的評價亦會算分‧
每1個測驗站內共1個時間內干哪有1位應考者來接受考試，時間由幾分鐘
到幾十分鐘無一定，時間到無論是毋是完全解答處理完，就續落去後１關
的測驗站，一直到全部的測驗站攏做過為止‧時間真逼，氣氛緊張，精神
上會當放輕鬆的較有利啦！
咱台灣預定2012年開始實施臨床技能檢測，以確保醫生執業的品質‧
全站熱搜
留言列表
