新聞辭典~~京都議定書－jimmycmlin的部落格

新聞辭典~~~~~京都議定書~~~~~遊子
1997年12月世界各國的代表，集合在日本京都開會，大多數贊成通過京都議定書
(Kyoto Protocol)；規範世界各國同齊合作來減少各國溫室氣體的排放量‧期
望地球的表面溫度會當來降低，這是人類歷史上第1次以法律約束的形式，來限制
工業化國家的溫室氣體排放量‧嘛是頭1次由全世界的國家用同齊行動，表現共同
對抗全球暖化的決心，經過幾仔年的打拼，在2005年2月16日總算是正式生效，
世界各國攏要照規矩起工行，予咱的地球mai復愈來愈燒啊！
分佈在地球外的大氣層中的氣體總叫做溫室氣體，溫室氣體愈濟愈厚，就會阻礙
到原本要反射倒返去外太空的光和熱，顛倒將光和熱吸收入來地球的表面，予咱
的地球溫度愈來愈懸，這親像利用塑膠布亦是起玻璃茨，做成1間密閉的空間，維
持一定的溫度，予農作物、植物生長好控制，生長卡順序的溫室，所以，地球溫
度愈來愈懸就叫做溫室效應(Greenhouse Effect)‧嘛是因為溫室效應的關係，
地球表面的熱度散袂出去，造成全球暖化，南北極的冰山漸漸融化，海平面提高，
小島變無去，天氣無正常，人類生活腳步嘛亂去啦！

過量的溫室氣體由叨位來？
二氧化碳(CO2)、甲烷(CH4) 、氧化亞氮(N2O) 、氫氟碳化物(HFCS) 、全氟碳
化物(PFCS) 、六氟化硫(SF6)等等‧攏是工業化所產生的物件，工業愈發展，愈
進步的國家產生愈濟‧
其實在日常生活中，咱每個家庭，每1個人嘛會當來減少溫室氣體喔！只要咱隨時
注意到下仔所講的事項：