jimmycmlin的部落格

新聞辭典~~~~~阿米世教(Amish)~~~~~遊子
新聞報導講，在美國有1個暴徒入去1間阿米世教徒的學校底，殺死幾仔個
查某學生囡仔的悲劇不幸事件‧什麼是阿米世教(Amish)？
阿米世教徒(Amish)又叫做再洗禮派教徒，in依據逐種宗教的理由，過著
和外頭世界隔絕的生活方式的基督教徒，差不多隔絕大部份的現代文明，
像：無用電、無開車、無看電視和電影、無戲電動玩具，無欲做兵、無欲
領政府的退休金亦是其他政府的津貼；in攏愛和平，討厭暴力，是真誠心
誠意真正死忠的教徒，目前在美國國內上保守和上普遍的阿米世教徒是Old
Older Amish，主要集中在俄亥俄州、賓州佮印地安那州等等所在，予逐
家上熟似的形象就是：馬車後壁面掛著表示現代的紅色反光三角標誌，亦
有向觀光客推銷家自做的手工藝品、食品等等‧阿米世教徒重視勤儉簡樸，
從事農做、飼頭牲仔等；in講英語和1種予人叫做賓州德語的德國方言，上
起早的阿米世教派是因為拒絕去做兵、無相信嬰仔受洗的禮儀來受到迫害，
由瑞士逃到德國的孟洛派的分支，後來，阿米世教派和孟洛派對趕出教會的
處理方式無共，續尾才復分做2派‧