台語文用藥保健~~稍可仔健康(SHS)－jimmycmlin的部落格

台語文用藥保健~~~~~稍可仔健康(SHS)~~~~~遊子
俗語講：上卌就﹝勿會﹞捏‧有人定定喝悿，去病院檢查又無病，不過，歸工無精神，
對什麼攏無趣味，嘛睏無好，毋知欲按怎才好？這就算是稍可仔健康(SHS；Sub-
Healthy State.)的症頭啦！(註.卌是40，讀siap)

依據世界衛生組織(WHO)的定義：健康是包括身體上、心理上和社會層面達到完全安適
的程度，毋是幹哪身體無病痛亦是身體虛弱‧在臨床上無診斷出任何症頭，不過，在日
常生活中確實感覺﹝勿會﹞拄仔好，這時陣就算是稍可仔健康(SHS)啦！

下面有幾條仔問題來測驗看咱隨人的健康情況，是真正健康？抑是稍可仔健康？準是有
一半以上的問題，出現在最近1個月的日常生活中，就表示你的健康有問題啦！開始要
調整日常生活的腳步，飲食習慣、運動、工作時間、親情、家庭生活、社交生活等等，
亦是安排時間去和你信任的醫生看看、講講，來挽回你的健康‧

(1).透早起床爬﹝勿會﹞起來？而且連續落頭毛？
(2).心情鬱積，定定看著天頂無神無神？
(3).定定﹝勿會﹞記得幾工前亦是昨昏想好欲做的事誌‧
(4).上班時真驚入去辦公室亦是工作場所，抑無就想緊下班，上班變做艱苦的事誌‧
(5).無想欲看到同事、上司亦是客戶，親像有自閉症的款‧
(6).工作無精神，工作效率降低，頂司嘛對你的工作表現有意見‧
(7).每工做一下仔久就感覺悿，無想欲繼續做，胸口鬱鬱，氣喘﹝勿會﹞過‧

(8).時常會無代無誌來發脾氣，感覺心煩火氣大‧
(9).3頓無胃口，看到平時愛食的美食，胃口攏無開，準做食落嘛毋知滋味‧
(10).對市區的空氣污染，外頭聲音的吵雜，非常敏感，真想欲去山內醢邊隱居‧
(11).對親朋好友的聚會嘛感覺無趣味，對逐種展覽會嘛事感覺無趣味‧
(12).每暗定定失眠睏﹝勿會﹞去亦是眠睏品質無好‧
(13).體重減輕，目箍出現烏框，面色歹看無笑面‧
(14).抵抗力降低，稍可仔就發病，感冒、漏屎、胃飽脹、四肢無力、筋肉痠痛等等‧
(15).性能力減退，心有餘力不足，無法度配合另外一半來完成相好的事誌‧