jimmycmlin的部落格

咱的台灣~~~~~台東金針山~~~~~遊子
金針山是因為滿山區出產真濟金針來得名，每年7月底到10月是主要的花蕊採收生產期，
歸片親像鋪著金黃色的地毯，非常嫷！在台東太麻里是上早台灣的金針山，打出名聲，
吸引真濟遊客來佚佗遊覽，後來在花蓮的富里玉里地區嘛漸漸推廣種植，有金針山的所
在愈來愈濟，特殊風格的民宿嘛漸漸推出，1日遊~3日遊的行程嘛愈來愈濟人參加，是
春天百花爭豔以外的嫷花期‧
金針花嘛叫做黃花菜、萱草、一日花、忘憂花、台灣的剪絨仔花(康乃馨)等等，在5月
份的母親節時，漸漸嘛用金針花來表示對阿母的愛佮敬意‧金針花會當做料理、藥物和
花蕊觀賞；會當鮮食亦是曝乾來使用，含有真濟的卵白質、鐵質，有補血、安神、利尿
、消腫退火的作用，歸叢攏有用途，葉子會當做宣紙的原料；伊的莖叫做碧玉筍，有降
血油的效用‧


配合金針花大開的時陣，台東縣政府和民間共同推出：”金針山忘憂花季”的連續活動
，又配合原住民傳統的豐年祭活動，予台灣的後壁花園真鬧熱；即馬，拄仔好是”金針
山忘憂花季” 活動的時陣，有閒逐個相招來去佚佗喔！