jimmycmlin的部落格

台語散文詩：見證歷史

堅固的城門

自1879年起

每工恬恬仔

看著日頭探出頭

看著歷史光陰的流動

四箍輪轉的變化

太陽旗升

黃龍旗落

續落來

半世紀後

換太陽旗降下

車輪旗升起

這塊土地的子民

無奈看著

無共的旗子

起起落落

超過四百年囉

無外遠的

新光摩天大樓

閣較遠的

台北101摩天大樓

親像

雨後春筍

沓沓仔竄出來

城門附近的空間

戒嚴時代

有慶典時的閱兵陣

士農工商團體

學生囡仔陣

來歡呼踅街

歡喜慶祝

解嚴後

有大學生發起的

野百合運動

要求廢除萬年民代

要求總統直選

立法院全面改選

過無偌久

有在野團體的

小蜜蜂陣

佇大路小巷

鑽來鑽去

為著爭取

黨禁報禁

閣較大的

言論自由佮民主

總統直選後

亦出現過穿紅衫

未慣勢自由民主的

保守團體

想欲反撲

搶回既得的好空

續落來

亦有大學教授佮學生組合

推出日頭花運動

佔領立法院

來阻止執政者

將台灣推向中國的喙內

佇双叉路口

救護台灣的運命

歷史行到今

自由民主

平等開放

安樂生活

是真濟先民義士的

奉獻犧牲

所有的演變

景福門

攏深深感受著

看著

咱愛繼續維護著

咱所蹛的所在

予咱的後代囝孫

享受著

呼吸自由空氣

民主選舉的制度

平等快樂過日子

到永遠

永遠