close
台語散文詩：櫻花鐘
真久囉
企佇樹林內
恬恬仔
看遊客來來去去
［足百］山健行者
起起落落
天未光
就開始聽著
吵雜開講的聲音
配著錄音帶的音樂聲
天邊魚肚白
跳舞的音樂聲
亦愈來愈熱
一陣一陣
起跤動手
活動
活動
欲活就愛動
規個山坪
充滿著青春活力
歡樂笑聲
跳舞的跤步聲
攏無斷
上山的人
亦愈來愈濟
男男女女
老老小小
總是為著健康
來鬥鬧熱
春天時
櫻花🌸開滿滿
伴著時鐘
櫻花鐘的名聲
透四界
登山遊客是
一代過一代
春夏秋冬
無論時
中間有故障一陣仔
大家真懷念伊
攏關心著
櫻花鐘
幾時會倒返來
看著伊
又閣準時來報時
雖然
無花蕊陪襯
眾人亦是真歡喜
上山行到遮
心內充滿著
喜樂佮活力
繼續為著健康
行落去
全站熱搜
留言列表
