jimmycmlin的部落格

咱的台灣~~~~~宜蘭冬山河~~~~~遊子
宜蘭冬山河是位在宜蘭縣五結鄉，切彎掠直以後，伊是宜蘭縣第5大的溪流‧經過用心規劃設計，
兩爿溪岸的景色真正嫷，配合著拋過溪面的拱橋，變成真嫷的畫面，溪水清清清，一點仔嘛無受
到污染，魚仔真快樂在溪底泅來泅去，一屑仔臭味嘛無，予人真愛來遮行踏、遊覽、戲水、佚佗
；所以，將伊號做親水公園‧
遮是親水、親土、藏著真深的人文精神和予人身心感受著嫷的公共藝術，在遮辦過：國際扒船比
賽、每年五日節的扒龍船比賽、童玩藝術節、水上遊樂園等等的活動，冬山河親水公園的好名聲
已經透全台灣，嘛已經傳出去全世界囉！
政府將遮開發做景緻清新、空氣新鮮無污染、設備完全，而且隨時繼續加強建設，歸區就是上好
的戶外水態多元化的博物園區，尤其今年蔣渭水高速公路通車啦！12公里外長的雪山磅空嘛順序
開通，予逐家來遮復卡方便又緊，會當吸引著復卡濟人來遮遊覽、佚佗。