(頂仔逐種血型攏有喔)
台語文用藥保健~~~~~血型的配對~~~~~遊子
咱時常會在媒體上看到”確認親子關係是毋是存在”的民事訴訟官司，這攏要靠當事者双方的DNA基因鑑定，
才有法度判斷是毋是存在血緣關係；普通時，咱嘛知影血型有：A,B,O,AB.等4種血型，所以，有人初步就
會當認定互相的親子血緣關係，不過，少數例嘛會出鎚喔！
咱來看一般正常血型的配對：咱知影每1個細胞攏由1對DNA基因組織的，所以，親像：
A血型：是由AA亦是AO‧組織成的‧
B血型：是由BB亦是BO‧組織成的‧
O血型：是由OO組織成的‧
AB血型：是由AB組織成的‧
一般正常血型的A和B顯性的基因，O是隱性的基因；不過，有真正少數的A和B是隱性的基因，準做和O的基
因做伙，以普通的檢驗可能會誤判做隱形的O血型喔！即種叫做：亞孟買血型(Para-Bombay type)，這要
用特別的檢驗法才會當正確判讀‧抑無，有可能會造成老父O血型，老母A血型，生出來的囡仔出現是A血型
和AB血型，如果無進一步拜託用特別的檢驗法來確認，是會引起家庭的誤會冤家啊！因為老父O血型其實是
亞孟買血型的B血型喔！按呢，B血型和A血型結婚，生出來的囡仔自然是出現A血型和AB血型啊！嘛有可能
是B血型、O血型喔！
咱來看一般正常血型的配對結果：
O + O = O 血型；無可能出現A、B、AB血型‧
O + A = A、O 血型；無可能出現B、AB血型‧
O + B = B、O血型 ；無可能出現A、AB血型‧
O + AB = A、B血型；無可能出現O、AB血型‧
A + A = A、O 血型；無可能出現B、AB血型‧
A + B = A、B、AB、O 血型；攏可能會出現‧
A + AB = A、B、AB血型；無可能出現O血型‧
B + B = B、O 血型；無可能出現A、AB血型‧
B+ AB = A、B、AB血型；無可能出現O血型‧
AB+ AB = A、B、AB血型；無可能出現O血型‧
以上予逐個朋友做參考‧
全站熱搜
留言列表
