jimmycmlin的部落格

台語文新聞辭典~~~~~影音網頁Vlog~~~~~遊子
在網路科技的世界真正是充滿著無限的可能，個人的部落格(Blog)才流行2~3年爾爾，
即馬，已經由Blog.已經進步到Vlog.啦！什麼是Vlog？Vlog.就是VideoBlog.影音
網頁的意思‧最近媒體報導：欲予Google公司準備用16億美金合併的YouTube公司，
就是上早出現的Vlog.啦！所以講網路科技的進展實在真驚人啊！咱逐個所知的個人部
落格(Blog)，內底有個人資料紹介，相片簿，網路日誌和留言版等等，上加是附上音
樂，不過，總是算平面的資訊爾爾；進展到影音網頁的Vlog就無共囉！會當像影片共
款，有影、有聲嘛有配樂，網路資訊由恬靜的平面變成鬧熱復卡有看頭的時代‧這是
因為數位化予網路科技資料傳送的速度復卡緊、復卡濟，所以，才會愈來愈受到歡迎愛
用；如果講個人部落格予每1個人攏會當變成作家，影音網頁就予每1個人攏會當變成
電視台的台長啦！予每1個人攏會當變成影集的主角喔！
YouTube公司算是在車庫內想出來的創意，是由2位少年人想出來的，1位是由台灣移
民到美國的陳士駿先生，今年27歲爾爾，和伊的朋友賀利(Chad Hurley)先生，在
2005年1月同齊合作創立YouTube網站，在YouTube網站內予任何網友會員攏會當參
與提供分享亦是予別人看到的平台，親像電視台的節目共款，網友會員嘛會當自由選
擇欲看的部份，網友會員攏會當互相討論節目的內容；到今已經上傳有3500萬支的短
片，每支的短片限制在10分鐘以下，而且禁止上傳內容無正當、裸體無穿衫、淫穢和
暴力等等，嘛避免侵權，抑無攏會受到刪除的處份；每工有70萬人次入去瀏覽，全公
司只有25人爾爾，創造出赫尼阿大的網路市場價值‧帶動全世界新的網路流行文化，
實在驚人啊！
親像按呢激頭腦，有創意而且順序發展成功的例真濟，世界出名的有：
Google, Yahoo, YouTube, MicroSoft,等等，咱台灣的無名小站(Wretch)嘛算

是喔！