台語文~~~~~普通知識(Common Sense)~~~~~遊子
咱阿輝伯仔明仔載就bhue去美國訪問囉！即擺伊想bhue詳細參看
研究美國的“獨立宣言”的原文件‧因為佇台灣，過去的歷史教科
冊攏毋bhat寫到美國的“獨立宣言”，一直到1994.10.才有簡單
寫幾字仔講到美國獨立的代誌，就直接跳去講南北戰爭的代誌，顛
倒對德國和義大利等的統一歷史，講到真正詳細‧由小學、國中、
高中到大學，攏嘛完全是佇灌輸大中國bhue食掉台灣的統一思想‧
佇2002年由國立編譯館出版的國中歷史教科冊，對美國的“獨立宣
言”干哪寫著：列舉英國國王的罪狀，解除殖民地對英國國王的隸
屬，宣告變成做自由獨立的美利堅合眾國‧
其實，“獨立宣言”的重點是：統治者﹝政府﹞的權利是來自被統
治者的同意，人民有權利改變抑是廢除伊，重新建立新政府，來增
進民眾的安全和幸福，抑準政府濫用職權，巧取豪奪，人民就有權
利，嘛是義務，來翻倒這個政府‧
雖然講：無“獨立宣言”就無美國的獨立建國，但是，逐個美國人
嘛攏知影，抑是無湯姆斯‧潘恩(Thomas Paine)，佇1776.1.10.
出版1本冊“普通知識”(Common Sense)，可能就無“獨立宣言”
喔！佇hit當時，差不多家家戶戶攏有“普通知識”即本冊，嘛差不
多bhat字的美國人，逐個攏看過、讀過佮瞭解、接受、認同冊內底
所講的‧
有幾條仔非常互人or lor傳頌的名言，對咱台灣現主時的思想教育
佮和解政策，應該有相當的教示：
(1).抑是美國互人認定是英國所有的，無任何1個國家，願意為美
國的獨立建國出面調解，法國和西班牙搁卡無可能出兵來鬥援助‧
(2).抑是美國人家己自認是英國人，美國的獨立建國佇外國人的眼
中就是逆祖的代誌，美國人就是叛徒，無任何1個國家會來同情‧
(3).和解佮毀滅是互相有密切關係，一定愛行獨立建國才是唯一的
出路‧
由前仔3點的“普通知識”(Common Sense)，希望咱所有的台灣人
，嘛會當親像1776年的美國人共款，瞭解、接受佮認同，繼續拍拼
行出咱台灣家己的路‧
留言列表
