jimmycmlin的部落格

用藥保健~~~~~你的酒量好喔？~~~~~遊子
人講酒(久)逢知己千杯少‧氣氛抑是出來，酒膽就綴著來，濟少嘛綴人lim淡薄仔，毋過
抑是一直叫人乾杯，杯底毋通飼金魚，抑無就是無誠意‧lim愛有氣氛、有酒膽以外，其
實嘛愛看隨人的酒量，酒量差的人，聽到乾杯就頭憂面結，所以，lim酒的文化以日本人
的方式卡適當，酒杯仔捧起來，向人敬酒，續落bhue乾杯毋乾杯就隨人啦！
按照中央研究院生醫所研究員鄭教授的研究結果，酒量的好bhai和基因遺傳有關係喔！
鄭教授解說：酒內底的酒精(Ethyl alcohol)，會受到咱身體內的1種酵素(Enzyme)~
酒精去氫酶(Dehydroase)的分解，變成乙酫(Eethyl-aldehyde)，乙酫會互人感覺頭
痛、想欲吐、面紅絳絳，甚至全身的皮膚攏紅瞿瞿喔！乙酫會受到咱身體內的另外1種酵
素~乙酫去氫酶的分解，按呢，lim的人就﹝勿會﹞感覺艱苦，會當繼續搁乾杯啦！
鄭教授比較3的族群，酵素強度的結果：
(1).台灣原住民：酒精去氫酶(強)，乙酫去氫酶(強)‧
(2).漢人：酒精去氫酶(強)，乙酫去氫酶(弱)‧
(3).高加所人(俄羅斯人)：酒精去氫酶(弱)，乙酫去氫酶(強)‧
由前仔3的族群比較的結果，會當看出台灣原住民的酒量上好是有原因的啦！.高加所人的
酒量嘛算是好的，漢人就卡差囉！尤其有3成漢人的乙酫去氫酶真弱，稍可仔lim淡薄仔，
就隨出現面紅絳絳、感覺頭痛、想欲吐的症頭，不過，紅絳絳的皮膚色退掉以後，酒嘛解
了啦！一切會當由頭仔重來‧正經講，酒lim適量對健康血路是有幫助，lim傷過頭濟抑是
天天醉，會造成酒精中毒的酒癮，就毋通喔！