用藥保健~~~~~細漢囡仔用藥注意事項~~~~~遊子
細漢囡仔是茨内的寶貝，是老爸老母的心頭肉、心肝仔‧嘛是國家未來
的主人翁‧所以，細漢囡仔抑是稍可仔無拄好，有病疼艱苦的時陣，大
人嘛綴著緊張、艱苦、煩惱‧不過，真正拄到細漢囡仔病疼艱苦的時陣
，有什麼用藥愛注意的事項？
(1).飼藥仔的工具毋通伸入去喙底傷深入，才﹝勿會﹞造成刺激，引起
吐的情形‧
(2).用溫溫仔的滾水來攪和藥仔，才﹝勿會﹞破壞藥仔的成份，愛攪互
褿勻‧
(3).保持飼藥仔環境的安靜，毋通吵吵鬧鬧‧
(4).上好佇囡仔飼奶抑是食飯進前來飼藥仔，囡仔腹肚枵的時，卡會開
喙食藥仔‧
(5).抑是拄到囡仔毋肯開喙食藥仔，毋通用硬灌，才﹝勿會﹞造成嗆入
去肺管，造成意外抑是增加囡仔的反抗心理，後擺搁卡毋肯開喙，乖乖
食藥仔‧
(6).抑是原本就是藥水類的藥仔，就毋通參水，直接飼藥水，食落藥仔
了後，才補充平濟溫的滾水‧
(7).食落藥仔了後，抑是佇30分鐘內就吐出來，愛佮補飼1擺共藥量的
藥仔；抑是佇30-60分鐘內吐掉，就補飼半量的藥仔；抑是佇2點鐘後才
吐，就毋免補飼任何藥仔‧
(8).抑是用塞尻川的藥仔，塞入去了後，咱大人愛用手指頭仔，將囡仔
的尻川捏互an，上少愛3分鐘左右，互藥仔融開，才﹝勿會﹞彈倒出來‧
(9).有發燒時，會當配合冰枕抑是水枕來幫忙退燒‧囥佇冷氣房嘛有幫
忙退燒喔！
(10).塞尻川的藥仔﹝栓劑﹞，平常時愛囥佇冰箱的下跤層保存，bhue
塞尻川進前，會當先佇尻川口仔抹一屑仔油質物件﹝凡士林抑是羊仔毛油
﹞；藥仔﹝栓劑﹞抑是囥過期，就一定愛hiat掉，毋通用喔！
(11).抑是拄到囡仔漏屎，嘛毋通用塞尻川的藥仔，避免搁刺激腸仔壁‧
飼奶時愛減量，互囡仔的腸仔稍歇睏，漏屎停止了後，才慢慢仔恢復正
常的飼奶量‧
(12).有嗄龜喘的囡仔，肺管擴張噴劑一定愛隨時紮佇身軀邊，起症頭
就隨會當用‧茨內上好毋通鋪地毯，減少過敏原因素‧嘛毋通食冰冷的
物件‧
(13).所有的藥仔，攏愛照醫師、藥師抑是護理人員的說明交代，照時間
、照藥量來食，毋通家己隨便增量抑是減飼藥仔量‧
(14).囡仔的藥仔抑是用無完，病症就好離離，賰的藥仔毋通留去後擺用
，一定愛dian掉才是正確的處理方式‧
全站熱搜
留言列表
