台語文~~~~~笑科集﹝輯﹞-7~~~~~遊子
(49).阿川和阿珍對儉錢的方式有無共款的看法‧
阿川：抑是bhue儉錢，上好就減交幾個仔查某朋友就好啦！
阿珍：無喔！我抑是bhue儉錢，上好就加交幾個仔查埔朋友才是啊！
(50).阿鴻是佇飛機底服務的空中少爺，有1擺佇服務中，伊穿的褲的後壁離線紗去，愈裂
愈大縫，伊就將飲料車改用扭的行，正面向前繼續行，伊想講按呢稍遮著，等伊行到上尾
排時，有1個人客倚來細聲對伊講：你的水庫門無關喔！
(51).佇宴會中，阿美問阿芬：你是怎樣將結婚手指戴毋對指頭仔？
阿芬：唉！攏嘛是因為嫁毋對人的關係啦！
(52).有1個蹛佇宿舍的大學生對伊的同學怨嘆講：
我實在毋知阮老爸老母按怎想，我寄批講我需要錢買1隻椅仔，結果in就寄1隻椅仔來！
(53).有美國人、非洲人和中國人去互人問著共1 個問題：
恁對糧食欠缺的問題，有什麼個人的看法？
美國人講：我毋知影什麼叫做欠缺？
非洲人講：我毋知影糧食是什麼物件？
中國人講：什麼叫做個人的看法？
(54).有1間公司準備cue 1 個卡ghau的會計，王先生就推荐伊的牽手‧
頭家問王先生：你怎樣來証明你的牽手會當來接即個會計工課？
王先生應講：每擺阮2人冤家時，什麼古早舊數抑是貓毛細續的代誌，攏嘛記得清清楚楚，
無1項互拍落落去‧
(55). 1 個有高血壓佮糖尿病的阿伯對護士小姐講：
每擺看病時，為什麼醫生看著我攏頭仔le le，嘛無愛講什話？
護士小姐講：因為你是幾仔種慢性病的老患者，醫生感覺歹勢，一直無法度完全將你治好！
(56).病人對精神科醫生講：我真無快樂，因為無人甲意我‧
醫生講：你按呢講就毋對啦！我就真甲意你啊！
病人講：這好是好，毋過，我無法度每1擺來看你攏互你錢喔！
(57).精神科醫生對病人講：你是什麼時陣開始想講你是1隻鳥仔？
病人講：自鳥仔卵開始孵出來的時就知影啦！
(58).阿巧拄著人就投人講in翁歸工攏無愛甲伊講話‧
in翁聽到真無奈講：我想無什麼話好講！講真的話，伊毋相信；講笑科的伊毋笑，講白賊的
我毋敢，抑是烏白zuan，我﹝勿會﹞曉‧
(59).阿雄定定加班暗睏，腹內火氣卡大，歸面攏是痘仔子，互人看著烏貓密巴‧
有1工，in某對in囝講：食飯時，碗底愛食互清氣，抑無，後擺你會娶貓某喔！
in囝先看阿雄，才笑笑仔講：啊！我知影啦！阿母你細漢的時陣，一定攏食無清氣，對麼！
留言列表
