jimmycmlin的部落格

台語文~~~~~空思夢想的光復光復再光復~~~~~遊子
頂禮拜6暗時，一大陣某黨的新住民族群，佇凱達格蘭大道頂開暗會，講是慶祝
光復60年，歸場自頭到尾仔，一直喝"光復、光復、再光復!"的口號‧in的國旗
講﹝勿會﹞當改，結果看到歸場in的國旗，頂面毋是印大大字的"新"就是"光復"
，早就互in家己改甲mi mi mau mau去啦！
in所喝的"光復、光復、再光復!"是佇喝什麼？
第1的光復是1945年光復台灣‧
第2的光復是1948年起一直到1980年的光復中國大陸‧
第3的光復是嚮望2008年再光復台灣的掌控權‧
這是毋是會笑破人的喙啊！
1945年日本是因為2粒原子彈的關係才向美國投降，佇中國大陸日本是佔半的中國大陸啊！
日本是放棄台灣和朝鮮的管轄權‧毋是新住民族群來光復的，in是受聯盟統帥麥克阿瑟
將軍之令，來台灣受降代管爾爾‧講什麼光復台灣？
1948年起，中國共產黨將中國國民黨趕出中國大陸，新住民族群來台灣，顛倒無茨通轉去囉！
變成乞食趕廟公，叫台灣人去光復中國大陸‧統治者自頭就知影無可能，嘛是用騙的手段，互
新住民族群的兵仔想講會當反攻大陸，光復中國大陸‧一直到1980年以後才無搁聽到hit的口
號‧因為無望，所以死心啦！
2000年，台灣人民覺醒，互中國國民黨落台，2004年更加過半數的支持，政黨輪替繼續，但是
，新住民族群管台灣人慣習啦，起歹面毋認輸，顛倒去倚中國共產黨，反面來對抗台灣人，in
甘願互中國共產黨管，就是無愛互台灣人做主人！才會一直空思夢想，想看佇中國共產黨的幫助
之下，佇2008年再光復台灣的掌控權‧就會當和中國共產黨佮做伙啦！
台灣人愛看互真，看互清，毋通繼續憨憨互人掠去賣‧