(頂仔是淡水漁人碼頭)
台語文咱的台灣~~~~~淡水漁人碼頭~~~~~遊子
淡水古早叫做滬尾，淡水漁人碼頭是位在淡水河出海口，原本是淡水第2漁港，
倚淡海，望對岸的觀音山，配合現代人休閒的需要，仿照美國舊金山的漁人碼頭
(Fishermen’s Wharf)來整建改造，變成1個掠魚、海釣、佚佗休閒的海港公
園好所在‧有1座跨過漁港出海口的船形景觀大橋，是遊客遊覽觀景專用，站在
橋頂吹海風，嘛是真享受，當然在日時、欲暗仔亦是暗時的感覺完全無共啦！港
(頂仔是淡水漁人碼頭)
邊有真大片的綠地公園，有柴板起的人行高架步道，有2公里外長和幾仔間涼亭
仔，坐在邊仔看河海景色，聽水聲，遠眺對岸的觀音山，欣賞著自早就出名的台
灣8景之一的」淡江夕照」，嘛是」 淡水暮色」，有1條歌就叫做」 淡水暮色」
，真好聽喔！亦是寬寬仔行，慢慢仔散步，感覺非常讚！有愛人啊，1對1對，有
歸傢伙仔，笑瞇瞇，真是甜蜜的一家，嘛有少年人歸大陣，戲笑著大聲歡喜‧愈
暗人愈濟，尤其有月娘的熱天時，半暝比日時復卡鬧熱耶！
(頂仔是淡水河畔餐廳)<
港邊有賣店和攤仔位，看起來清氣清氣，有海鮮料理、有中式、西式餐廳，飲咖
啡飲料，風景嫷、氣氛好，只是價數要看予對‧嘛有遊艇予遊客坐出去淡水河遊
覽，亦是出去淡水河口的外海徙徙遊覽，親像在舊金山的漁人碼頭坐遊艇去金山
大橋下共款，袂bai啦！
(頂仔是竹圍海濱暮色)
其實在台灣真濟漁港攏漸漸轉型做掠魚、海釣、佚佗休閒的海港，每次假日遊客
嘛攏真濟，在北部親像宜蘭頭城的烏石港、基隆的碧砂港、桃園縣的竹圍港、永
安港、新竹的南寮港等等，攏是休閒的海港公園好所在喔！
(頂仔是竹圍海港漁市場)
全站熱搜
留言列表
