jimmycmlin的部落格

咱的台灣~~~~~台灣之最-4~~~~~(周幸叡報導)~遊子
經過幾仔佰年來，不斷的吸納和融合了後，來自四界的移民，佇台灣這個美麗
的島嶼內，認真勤儉佮﹝扌卜﹞拼，毋甘哪創造出共同生活的家園，嘛創造出
真濟項互咱感覺非常驕傲、有面子的紀錄喔！
(1).台灣上懸嘛是目前(2005)世界上懸的大樓：台北101大樓‧
位佇台北市信義區，地下5樓，地上101樓，懸度有505公尺懸‧
台灣自早就創造過真濟項的”世界第一”,親像電子科技的晶圓代工、罩幕式唯
讀記憶體(MASK)、IC封裝業等等；由專制政權和平民主轉變政權嘛是‧攏引起
過世界各國的注意，舊年(2004) 台北101大樓完成，就變成台灣上懸嘛是目前
世界第一懸的大樓囉！外型像竹仔節，一節一節向天頂一步一步高升，祈求互
台灣順序的好兆頭‧建築物內面有世界上緊的流竉(電梯)，佇39秒內就會當將
人送到第89樓的觀景台喔！重量達800公噸的防止地動阻尼器，價值美金有
400萬，這嘛是世界建築史上第一套融入大樓整體設計的阻尼系統‧希望台灣
人的眼光，就台北101大樓完成開始，會當搁卡提懸，看搁卡遠，除了看到全
台北盆地以外，嘛看到全世界，互本土化搁卡變成國際化‧
(2).台灣第一座國家公園：墾丁國家公園‧
位佇屏東縣恆春鎮，1984年設立做國家公園，海陸域面積有33268.65公頃‧
伊是唯一一座以海洋生態保育為目標，三面環海，由天頂、海域抑是陸上無共
的角度觀賞攏真嫷喔！地質是珊瑚礁、海蝕地形地形崩涯地形等奇特地理景觀
，植物群有海岸植物落和山地植物落兩大類；因為植物複雜，孕育著真濟野生
動物，鳥仔類、爬虫類和逐種龜仔虫(昆蟲)‧潛入海底會當欣賞到珊瑚造成的
海底皇宮，七彩的魚仔類、海貝、海菜、規群的珊瑚，有夠嫷啦！因為有烏潮
流過海底，海水的溫度平均攏佇22-29*C中間，真適合海洋生物的生長‧海水
真清，由天頂看落來，嘛會當看到嫷嫷的珊瑚群‧這個珍貴的好所在，咱愛搁
卡保惜才對‧
(3).台灣第一座高爾夫球場：台灣高爾夫俱樂部‧
位佇台北縣淡水鎮，起佇1919年，是18洞，標準桿72桿的球場‧面積有51
公頃‧面向淡水河，是孕育台灣高爾夫球名師的搖籃仔，真濟佇世界出名的選
手，攏由這出身的；即馬全台灣有60個球場，伊猶原是重要的球場之一‧真
濟日本觀光客抑是將參觀故宮博物院和來這﹝扌卜﹞球，安排做必要的行程‧
附近的紅毛城、滬尾砲台、馬偕學堂、真理大學、漁人碼頭攏是會當順序遊覽
的好景點‧
(4).台灣第一座森林主題公園：大安森林公園‧
位佇台北市大安區，面積有26公頃；邊仔的建國高架橋下有假日花市，附近有
鬧熱的永康街商區；1994年3月開放到即馬，已經是台北都會區的綠洲，嘛是
囝仔上愛來戲的好所在，戲沙仔、溜冰、騎跤踏車、放風吹、去魚池飼魚仔、
佇樹仔跤歇涼；伊是”都市的肺”兼休閒的大花園，是台北市民優質的生活環
境‧愛卡繼續保持落去‧