jimmycmlin的部落格

咱的台灣~~~~~舊名八塊厝~~~~~遊子
佇台灣舊地名有真濟所在叫做：三塊厝、五塊厝、八塊厝等等，後來改名，互後代
的人才攏毋知影原本舊地名的本意，實在真無採啦！
舊名八塊厝就是即馬的桃園縣八德市；聽講上早佇清朝時代，先民來遮開墾的聚落，
分別有叫做：莊頭、莊尾、稻埕頭、連城、舊城、城外、公館、租倉等等的總稱呼；
不過，到即馬，已經無法度確確實實cue到真正的所在‧
嘛有另外一種講法，就是有8大姓氏的先民族群，踮遮落戶開墾，包括：謝氏、蕭氏
、邱氏、呂氏、賴氏、黃氏、吳氏、李氏等等；到即陣，邱氏、蕭氏、呂氏、黃氏等
，猶原是八德市的大宗氏族群喔！
八塊厝佇1920年改名做八塊，1936年改名做八德，這攏是日本統治時陣，到1995年
改名做八德市‧因為住民超過15萬人，即馬有17萬外人‧馬祖住民移遷來台灣，攏
集中佇八德市，人數會當支持1位縣議員當選喔！馬祖村嘛是新的特色‧