台語七字仔詩~~~~~OB會員山海遊~~~~~遊子 2008.04.29.
世間頭路百百項，有緣做伙入共行；
隨人認真來拍拼，遇難互相鬥相共‧
每工透早到公司，代誌滿滿等你理，
日出無閒拄下昏，無暝無日無怨語‧
經驗技術無底比，體力漸退無通支；
頭毛由烏來轉白，時到退休快樂居‧
職場同仁交陪好，退休歇睏時間多；
閒時泡茶來開講，輕鬆討論無煩惱‧
有閒相招去佚佗，遊山玩水唱山歌；
翁某同齊通做伴，山珍海味由阮考‧
草山延路櫻花追，白色海竽後隨對；
規山草坪正青翠，予人心涼脾肚開‧
大湖草莓當到時，一股一股葉青青；
大粒飽滇紅瞿瞿，大人囡仔喙瀾滴‧
金山海外双燭嶼，永安漁港海鮮聚；
欲食什麼免驚無，難忘料理永相思‧
補註：OB是Over Boundarline,出界線外的意思.
嘛代表已經退休離開職場的意思.
全站熱搜
留言列表
