jimmycmlin的部落格

莊子講(22)~~~~~樹仔的天年~~~~~遊子
佇宋國荊氏的所在，適合種植楸樹、柏樹和桑樹‧這3種樹仔大到像拳頭母赫
粗的時，攏會予人剉去做飼養猴山仔的木樁；比拳頭母搁卡粗大的，就會予人
剉去做起茨的木材；上粗大的就會予人剉去做有錢、有地位人的棺材啦！
所以，遮的樹仔攏無法度享盡大自然所賜予in應該有的年壽，定定年壽未到，
就予人剉掉、夭折去啦！in嘛真予邊仔生著彎彎曲曲的樹仔感覺真可憐‧
亦有，佇古早祭拜河神的時陣，所有抑是有白色額頭的牛、鼻仔懸懸的豬仔、
有痔瘡的人等等，主持的巫祝攏﹝勿會﹞將in hiat落去溪底祭拜河神，因為
，in攏予人看做是無吉祥的物件‧
所以，咱嘛會當看到有大智慧、會曉變通的人，定定裝做”不才”、”不材”
、”不祥”等等的形態出現，來避免俗世對in的禍害‧
所以講：嫷和﹝禾黑﹞有無共款的特色，毋免一定分出叨一樣才是”好、歹”
，亦是”吉祥、不祥”‧
1個查某人，抑是生著真正嫷，就愛做犧牲品，獻予祭拜的河神；按呢，生做
真正嫷到底算是”吉祥”抑是”不祥”？