新聞辭典~~~~~大細隻的貓熊~~~~~遊子
連戰去中國時，中國政府就講欲送2隻貓熊予台灣，遮本來是1件好事誌，因為，中國政
府嘛送過貓熊予美國、日本、德國、英國等國家，不過，即擺中國政府無照國際規範來
處理，中國政府是利用2隻貓熊送予台灣，做為統戰的操作手段，將台灣準做中國的一
部份，算是中國的國內事來處理，所以，無愛和台灣政府參詳所有的有關事誌；其實
，中國的貓熊算是將欲絕種的保育動物，伊的遷徙愛受到國際逐國相關法規的規範，遮
一定愛透過政府和政府的談判交涉才會用哩；一定愛有台灣輸入國的許可證，中國才會
當發出輸出的許可證，按呢，中國的大隻貓熊才會當入來咱台灣‧抑是，稱採就予中國
的大隻貓熊入來咱台灣，會予全世界認為：啊！原來台灣就是中國的啦！才會赫尼簡單
就處理大隻貓熊入來台灣的事誌‧所以，中國抑是會用貓熊來做為統戰的操作手段，咱
台灣愛企予在，無愛接受，無愛予入來就好啦！
其實，佇全世界的貓熊分做2的品種喔！相差真大啊！
(1). 大隻貓熊(Giant Panda)‧成年時平均體重差不多80~120kg.身軀長160~180cm.
生活分佈的範圍真窄，干哪限佇中國四川、陜西和甘肅的箭竹林內，這範圍的氣候卡適合
，佇寒天以外，溫度大概攏是攝氏20度以下，濕度是50%~65%中間‧
(2).細隻貓熊(Lesser Panda)‧成年時平均體重差不多3~4.5kg.身軀長51~63.5cm.
尾長28~48.5cm. 生活分佈的範圍佇尼泊爾、錫金、緬甸北部、中國的雲南和四川等等，
主要棲身佇森林和海拔1800m~4000m.的竹林內，細隻貓熊真ghau beh上樹仔尾頂，不
過，食物件是踮地面上食‧
日本東京都立多摩動物園有送2隻細隻貓熊予台灣，9歲的”安安”是母的，2歲的”晨星”
是公的；已經佇頂個月送到台北市動物園，目前猶原是檢疫中，台北市動物園講等檢疫完
，無問題了後，先予in適應新環境，才決定予in和逐個朋友見面‧in嘛攏有照國家和國家
的談判、國際規範，才會當入來咱台灣‧所以，為著2隻大隻貓熊，中國就想欲食咱台灣夠
夠啦！咱台灣絕對毋通中計喔！
全站熱搜
留言列表
