jimmycmlin的部落格

用藥保健~~植物油過度加熱卡會產生毒性物質~~~遊子
根據2005.05.06.Health Day News.的報導，由一項研究報告發現，植物油過度
加熱卡會產生大量的毒性物質HNE(4-Hydroxy-trans-2-nonenal)‧這是脂肪酸
的轉變物，HNE佇菜籽油、番麥油、豆仔油和葵花子油等植物油，含有亞油酸的多元
無飽和油內底，過度加熱後，會大量產生出現；但是，佇動物性的飽和油內顛倒無即
種現象‧
由真濟實驗中證實，吸收到傷濟的HNE，卡有可能得到心血管的病症、中風、帕金森
症、阿滋海默症、哈丁頓式舞蹈症、肝病和癌症等的風險加真懸‧
按照即個報告，美國營養協會(ADA)建議，毋通將植物油加熱到出煙，每擺加熱的植
物油攏愛用新的油，就是講新的油干哪會當加熱1擺爾爾，毋通重複加熱使用，按呢，
才會當減少吸收到HNE，對咱的健康才有幫助‧踮茨內可能卡無問題，不過，外頭的
餐廳就歹講啦！所以，真濟人攏保持素食的習慣，但是，得到前仔講到的病症，親像
無比無食素的族群卡少，可能對HNE無瞭解、無認識，是一個真大的原因喔！
這和另外一篇~~反式脂肪(Trans Fat)，有共款的意義，對保持素食習慣的族群，
是有影愛注意的事誌啊！抑無，是顛倒害著家己的健康喔！