close
莊子講(29)~~~人相忘佇道術~~~遊子
子貢問孔子講：先生，你是按怎欲遊行佇四方接受禮教的束縛？
孔子應講：欲暫時遊去方外嘛無要緊喔！
子貢問講：甘有什麼好步數？
孔子應講：咱看魚仔的生活，愛有水才會爽快舒適‧魚仔佇江、
湖底泅來泅去，自由自在，根本嘛﹝勿會﹞記得家己是佇水底‧
因為in想講魚仔就是上適合生活佇水底啦！抑是人的生活，愛
有道才會爽快舒適‧人生活著真快樂、真滿足，就是生活佇道
中啦！合著自然就是道‧
所以講：咱人拍拼去追求逐種知識，咱的心內抑是頭殼底就親
像予無共的知識，隔開做細間細間的房間，會變成綁跤綁手無
自在啦！所以，咱追求逐種知識後，愛拍通知識的隔離，超越
知識，活用知識，才會當合著自然‧
全站熱搜
留言列表
