jimmycmlin的部落格

莊子講(56)~~~草猴掠蟬~~~遊子
有1工莊子的學生問講：先生，你是為什麼無歡喜？
莊子講：唉！人攏是見利忘害啊！昨昏，我佇果子仔園內行來行去，1隻鳥仔忽然間由
頂仔飛落來，對我的頭殼頂啄一下，害我疼甲欲死又驚一下，看伊停在樹仔枝頂，我就
kiorh一粒石頭仔，用擗仔想欲彈伊；即時陣，又看到1隻蟬佇樹葉仔頂，大聲唱歌，
想講真安全，放心仔大聲唱，毋知影伊的後頭拄好有1隻草猴想欲掠伊來食；不過，在
草猴想專心欲掠蟬的時，無注意到前仔啄我迄隻鳥仔，嘛佇伊的後壁，尖喙仔撥開著大
大大，想欲將草猴食落腹‧
共即時陣，聽到我的後壁有人大聲喝：喂！你是想欲偷挽果子是麼？好大膽啊！
害我又受驚一下，喙仔撥開應講：無啦！無啦！你誤會啦！
斡頭緊溜走，差一點仔跋倒‧轉到茨，心內想著：我佇果子仔園內想欲用擗仔彈鳥仔，
嘛﹝勿會﹞記得hia是別人的果子仔園，﹝勿會﹞記得家己的嫌疑和危險，結果才會予
人誤會做我是想欲偷挽果子仔‧唉！實在真冤枉，嘛真嚥氣啦！
所以講：人在追求外物時，親像名和利，往往干哪看到面前的好處、利益，完全無注意
到身軀邊的危險，這才是真正危險的事誌啊！