jimmycmlin的部落格

莊子講(71)~~~孔子遊烏樹林~~~遊子
有1工，孔子和徒生來到一片烏樹林內佚佗；徒生坐在伊的邊仔讀冊，伊坐在大石頂彈琴唱歌‧忽然間
走來1位掠魚的人問徒生講：迄個唱歌的是什麼人啊？
徒生應講：迄位是魯國的君子啦！
掠魚的人又問講：伊的家族什麼？
徒生應講：伊的家族是孔氏
掠魚的人又問講：孔氏又是在做什麼頭路的？
徒生大聲應講：伊是講仁義禮樂；對上是忠心事主，對下以感化百姓，予社會和諧，天下太平的人啊！
掠魚的人又問講：按呢，伊是有受封地的君子？亦是諸侯的大臣？
徒生應講：毋是，攏毋是啦！
掠魚的人聽完就講：親像伊赫尼阿辛苦，講來真可歎啊！如果照伊按呢繼續行落去，恐驚會離大道愈來
愈遠喔！
掠魚的人講完斡頭就離開去囉‧


過不若久，孔子知影就大聲喝講：啊！迄個掠魚的人是1位大智慧的人啊！人在叨位？
孔子隨追過去喝講：請稍等一下！
掠魚的人斡頭講：你有什麼要求？
孔子真細膩講：拄仔聽先生講話，好像猶未無講完；真失禮！想欲請先生復來指教‧
掠魚的人聽到就順順仔講：人有8種毛病和4種憂患，未通無注意‧8種毛病就是：
做毋是你應該做的事，叫做：摠‧別人無欲採信你的話，偏偏你又講未煞，叫做：佞‧揣摩順從別人
的心意，專講一寡仔別人愛聽的話，叫做：諂‧無問是非，只是附和別人的話，叫做：諛‧真愛講別
人的長短，叫做：讒‧愛拆散別人的交情，叫做：賊‧愛or lor奸詐的人，顛倒排斥家自討厭的人，
叫做：慝‧無分善惡，想欲兩爿討好，予人來甲意，，叫做：險。這8種毛病對外是會擾亂別人，對
內是傷害到真我；這是有智慧的人所無愛接近的啦！4種憂患就是：想欲做大事誌，以求功名，叫做
：叨‧妄做聰明，家自隨意行事，只用家自的主意想法，無管是毋是會欽犯到別人，叫做：貪‧知影
家自毋對的所在無欲改，聽到別人的好意相勸，顛倒變成復卡厲害，叫做：狠‧別人的的意見和家自
相共的，就認為是對的，和家自無共的意見，雖然真好嘛無承認是好的，叫做：矜。1個人如果有這
4種憂患時，實在是無法度和伊講大道啦！
孔子聽了後，面仔憂憂，目頭結結，心內非常鬱積，向掠魚的人行大禮，再三說謝，無意仔無意來離
開‧
所以講：欲修大智慧的人絕對毋通犯著這8種毛病：摠、佞、諂、諛、讒、賊、慝、險‧嘛毋通犯著
這4種憂患：叨、貪、狠、矜。這8種毛病和4種憂患是一般人上捷看到的過失啦！