jimmycmlin的部落格

莊子講~~~~~自然的簫聲(續篇)~~~~~遊子
佇2005.10.24~2006.05.29.整理出”莊子講自然的簫聲”總共有79篇，續落無閒東無閒西，
才停斷一段時間，因為”莊子講”的內容猶真濟，無整理完實在嘛真無採啦！無閒到一個崁站，
會使閣寬寬仔來整理”自然的簫聲(續篇)”囉！
莊子講的內容總共有內篇、外篇、雜篇等33篇文章，包括：內篇7篇：消遙遊、齊物論、養生主
、人間世、德充符、
、應帝王‧外篇15篇：駢拇、馬蹄、(月去)筪、在宥、天地、天道、天運、刻意、繕性、秋水、
至樂、達生、山木、田子方、知北遊‧雜篇11篇：庚桑楚、徐无鬼、則陽、外物、寓言、讓王、
盜(足石)、說劍、漁父、列禦寇、天下等等‧
大概的意思量其約仔舉幾個仔例來講，親像：
消遙遊篇主要是講：世間人要看破空、名、利、祿、權、勢、尊、位等等的束縛，予家自的精神
活動會使自由自在，對身邊的事誌達到無牽無掛的地步‧
齊物論篇主要是講：認定世間所有人佮物的特別意義內容和伊的價值，包括人佮物的平等觀念‧
養生主篇主要是講：咱世間人的心理精神，提示養神的方法就是順著自然‧
人間世篇主要是講：人佮人做伙的關係，按怎樣家自1人獨處，按怎樣佮人做伙，才袂引起糾紛
相爭，避免國家佮國家相戰，社會上人食人的殘忍現象‧
大宗師篇主要是講：天人合一的自然觀，生死一如的人生觀，安化的人生態度，相忘的生活境界‧
秋水篇主要是講：佇生活中討論價值判斷的無窮相對性‧
至樂篇主要是講：佇生活中討論人生快樂佮面對生死態度的問題‧
較過有時間的時，才漸漸整理出來佮朋友分享，嘛請逐家來雅正‧