台語散文詩:老火車頭
現時台灣的鐵路
攏是電氣化囉
最近台鐵舉辦
坐老火車頭的懷念活動
200歲的老車頭
猶原真有夠力
噴出一陣一陣的烏煙
大聲嗚~嗚~叫
拖著長長的現代車廂
享受著冷氣的遊客
大大小小
歡歡喜喜來參與
回想到一甲子前
通學的情境
透早天未光
就趕早班車去讀冊
月台上已經是人滿滿
大細漢的學生囡仔
擔菜擔仔欲賣菜的阿桑
欲上班的食頭路人
無共行業的做穡人
上車後
火車頭歕出烏煙
嗚⋯嗚⋯嗚⋯
起行囉
向後一站衝
可能載傷重
又遇到上崎時
速度是慢慢慢
烏煙愈噴愈大陣
炭灰屎隨風飛入窗內
每人的面皮
亦鋪著一層火灰
車廂內的空氣亦變差啦
有時陣
閣有人食熏
企邊仔的人
閣較害
彼時
通勤通學通商的人
實在辛苦啦
斡頭看
現時的
高鐵電車捷運
清氣閣緊閣舒適
亦是幸福啊
全站熱搜
留言列表