台語散文詩：身影
有人真討厭家己的身影
無論行路時
運動健行時
有時是長長長
有時賰一個烏影
行緊綴緊
放慢伊亦變慢
無一時離遠
內心感覺真煩
亦真無奈
起跤大步行
大步走
上尾仔
全身無力
悿死啦
其實
咱攏瞭解
有光才有影
只要咱企佇有蔭的所在
自然無身影囉
這是真簡單的道理
毋過
在日常生活中
真濟人
拍拼追名逐利
每工無暝無日
無歇睏
心身放出警告訊號
猶原無欲注意
等到有一工
身體健康出大問題
才覺悟著
健康是一直綴著咱
無時無刻來離開
有時做
有時歇
抑準
無健康就無一切
人生
才會當行久長
才有意義
（部分借用網路相片）
全站熱搜
留言列表
