台語散文詩：佈施
舊曆七月是普渡月
是慈善博愛月
亦是
佈施的一款方式
對象是
陰間的好兄弟
用心真可取
其實
佇咱日常生活中
隨時隨地
攏會當佈施
毋過
時常看到的
有人是大把錢
真慷慨來出手
對一般趁食人的買賣時
斤斤來計較
亦有人講
我家己是歹過日
亦欠人來救濟
用什做佈施
其實
這攏是
誤解佈施的真義
佈施是一種
生活心態的沓沓仔修練
是放下貪念
放寬心量
無大細目
毋止是對境的佈施
亦對無形心境的佈施
所以
有大錢時會當做
有小錢亦是會當做
無錢時
共款會當做喔
親像咱的
一個關懷的目色
一個加油的笑容
一聲請安問好
一聲拜托勞力
一聲感恩感謝
一個親切的手勢
一杯清水
⋯⋯
對需要的人
攏是真正溫暖溫馨
滿腹的感受
是對後一步的向望
予人生充滿光明
所以
咱就來普渡
繼續來佈施
共勉喔！資
全站熱搜
留言列表
