close
莊子講(80)~~~~~列子御風而行(消遙遊)~~~~~遊子
列子有法度御風飛去任何伊想欲去的所在，身軀看起來真輕巧，行動自由自在，姿勢看起
來閣真嫷，定定看伊一出門，無10工、半個月是無倒返來；伊的功夫予一般人真欣羨，佇
世界上嘛實在真稀罕的啦！
不過，對有修道的人來看，列子的行動並毋是真正自由自在，伊雖然毋免靠双跤行路，事
實上要靠自然界起風才有法度飛行徙所在，抑準無風伊就袂轉袂動囉！既然需要倚靠自然
界起風，是袂當算是真正的消遙自由自在啦！
所以講：列子有法度御風而行，結果袂當無風；咱只要順著天地自然的正道，瞭解陰陽風
雨明暗大氣的道理，隨時隨地無需要倚靠什麼物件，就會使游遊去無窮的境界啊！
全站熱搜
留言列表
