close
莊子講(81)~~~~~許由不受天下(消遙遊)~~~~~遊子
堯帝心內想欲將天下大位讓予許由，有1工，堯帝就去深山內拜訪許由‧
堯見面就講：日頭佮月娘已經攏出來囉！甘猶閣有需要我即支細葩火欲
創什麼？
許由聽了斡頭講：唉啊！你是稱採講講的啦！鳥仔佇樹仔頂做岫，所需
要的干哪1枝樹仔枝；鳥鼠喙乾去溪邊(口林)水，所需要的嘛是滿腹爾爾‧
即馬，你講欲將天下大位讓予我，我欲提天下大位做什麼好？而且天下已
經予你管理甲真好，你是想欲將這個好名聲來讓予我？按呢講，我提這個
空的好名聲又閣有什麼用啊！
所以講：名是實的邊仔位爾爾，毋過，世間人定定是為著追求虛的名聲來
委屈家己去受苦，佇生活中抑準會當拋棄求功、求名，才會使得到真正實
在咱所需要的生活目標佮品質‧
全站熱搜
留言列表
