jimmycmlin的部落格

新聞辭典~~~~~環境賀爾蒙~~~~~遊子 2008.09.09.
媒體報導：美國佮加拿大的科學研究發現，PC塑膠類的矸仔會融出環境賀爾蒙(BPA)，
會影響到靈長類的腦神經細胞，危害到咱人的健康‧
什麼是環境賀爾蒙？
環境賀爾蒙是指真濟化學成份，佇日常生活中會影響到動植物的生態基因等‧双酚A
(Bisphenol A)類簡稱(BPA)，是聚碳酸酯塑化(PC)產品的原料之一，因為材質較硬
、耐熱、耐挊，普遍地用佇日常生活的製品中，親像有：塑膠奶矸仔、入水矸仔、水桶
、水缸、食品矸仔等等‧
双酚A是環境賀爾蒙的1種，會影響到咱人體賀爾蒙、內分泌系統，嘛可能會影響到生殖
系列佮情緒的控制，尤其對發育中的囡仔佮胎兒，真會造成危害，出現無正常的生理症
頭，親像有：性早熟、大箍肥、糖尿病、過動症頭、學習佮記智受到損害、日常生活的
行為變成像半陰陽的中性化、免疫功能受到損害等等‧
所以，佇日常生活中欲用到塑膠奶矸仔、入水矸仔、水桶、水缸、食品矸仔等等時，需
要真細膩注意才是‧裝燒滾水、泡牛奶時，水溫上好毋通超過50度喔！