新聞辭典~~~~~杏林佮杏壇~~~~~遊子 2008.09.20.
媒體報導：今年彰化市受表揚的優良老師，接受著市公所所送的賀匾，
匾面是刻”杏林春暖”，予看到的人攏目睭轉大蕊，感覺傷過頭離譜囉
！竟然會將讀冊人的老師變做救人治病的醫生！雖然，佇日文的叫法，
老師佮醫生攏是先生‧照按呢講，問題出佇叨位？
咱一般所講”杏林”是用佇醫療界，”杏壇” 是用佇教育界，伊的起
頭傳說是無共得‧
”杏林”是用佇醫療界‧聽講三國吳人董奉隱居佇廬山，醫術高深，醫
德善良，為人治病後攏無欲收錢，干哪要求：重病的人醫好了後，愛種
5叢杏仔樹；輕病的人醫好了後，種1叢杏仔樹；過了無幾年，附近地區
的杏仔樹達到十外萬叢，變成真正大片的杏仔林，予人入到遮就感受到
溫暖，所以講是”杏林春暖”‧
另外，”杏壇” 是用佇教育界‧古冊有寫：孔子遊學佇緇帷之林，歇
睏時坐佇杏壇之上‧後來的人佇中國山東省曲阜孔子廟大成殿前，起壇
、建亭、書碑、植杏，號名叫做杏壇‧
送匾用詞無適當的情形其實猶真濟，親像：贈送廟寺的”威靈顯赫”誤
寫作”威靈顯嚇”；送予喪家的花圈，將”X公千古”誤寫作”X府千古”
，死1人變成死1家，予喪家氣甲半死；政治人物送予烏道大哥的輓聯寫
”痛失英才”，所以，烏道大哥的細漢的送的輓聯寫”永懷領袖”；嘛
有看到輓聯寫”音容苑在”的笑話‧新官就任的匾將”眾望所歸”誤寫
作”重望所歸”；所以，送匾用詞真正愛細膩斟酌啊！
全站熱搜
留言列表
