jimmycmlin的部落格

新聞辭典~~~~~施棄教(Sikhism)~~~~~遊子
施棄教(Sikhism)佇華語翻譯做錫克教，是1469年由第1任的開山祖咱沃(nanak)創立，
續落流傳佇印度一部分地區的宗教，(人因)的宗教勝地是位佇旁遮普邦阿姆利則市，佇彼
所在起有施棄教上大的寺廟”大金廟”‧
施棄(Sikhism)的梵文原意是門徒的意思，施棄教強調人人平等，所以，佇查埔的互相是
兄弟，佇查某的互相是姊妹；(人因)無祭拜神明，干哪祭拜(人因)的歷代祖師爾爾‧(人因)
真重視生命的禮俗，毋管是嬰仔出世、查埔查某的婚姻、死亡殯葬等等。攏會舉辦特別的宗
教禮儀；(人因)是有系統、有組織的宗教團體，教條教義真清楚，佇日常生活中真好實行，
影響的層面真闊，對外來的迫切會團結用武力來對抗‧
(人因)的教規是規定素食、袂使吸薰、飲酒、食毒品，查埔查某的婚姻是1夫1妻的制度，
袂使祭拜翁仔像、神明，規世人要遵守5K‧
5K到底是什麼意思？
kesh是指：袂使剪頭鬃佮修喙鬚，以維持高度的自覺‧
kangha是指：柴梳用來整理頭鬃，表示清氣的意思‧
katchera是指：特製的棉仔內衫，表示純潔的意思‧
kara是指：袂生sian的鋼箍仔，載佇手表示真理佮自由相做伙的意思‧
kirpan是指：細支尖刀子，表示信徒以正義的心來維護真理的意思‧
照統計佇20世紀的80年代，施棄教的信徒差不多有900萬人，85%以上攏蹛佇旁遮普邦，其
他分散去哈里亞那邦的德里，世界其他所在有：馬來西亞、新加坡、美國、英國、加拿大等
等‧
查埔的信徒頭殼頂攏慣勢用長布巾仔包起來，號名叫做”辛格”，是”獅”的意思‧古早佇
中國上海的英國租界區域，定定看到用紅色長布巾仔包起來的施棄教信徒的印度人，後來予
上海叫做”紅頭阿三”‧