jimmycmlin的部落格

台語文~~~~~肉粽芳~~~~~遊子
梅雨季節的雨水，一陣大，一陣細‧
有時陣，有的所在親像佇車桶倒‧
互平地的排水洩﹝勿會﹞離，積積歸堆做大水‧
一陣大雨了後一陣熱‧
荷月漸漸到，日頭每工愈來愈赤炎炎‧
又是午日節、扒龍船、食肉粽的日子﹝要卜﹞到啦！
竹仔粽葉和鹹草索仔攢互夠‧
糯米浸透好來炒油飯‧逐項粽料，一項仔一項仔傾互褿齊‧
﹝火空﹞肉角、大隻蚵仔乾佮炊栗子‧
大尾金鉤蝦、香菇塊和菜脯幼仔‧
抹油的粽葉仔﹝扌幼﹞互好‧
先下一寡仔油飯好﹝扌卜﹞底，芳芳的粽料續互落‧
捏出四個肉粽角，索仔綁互﹝糸安﹞﹝糸安﹞﹝糸安﹞‧
嗯！﹝勿會﹞﹝禾黑﹞喔！
一粒一粒佮一粒，一捾二十圓滿啦！
一捾一捾搁一捾，看著心頭滿足歡喜到‧
茨內抑是有囝仔﹝要卜﹞考試‧
阮兜今年包粽﹝包中﹞﹝用華語發音﹞啊！
芳絳絳的燒肉粽，會當請親朋好友來分享‧
攢料綁粽雖然有淡薄仔費氣‧
不過，嘛感覺真趣味‧
一年一擺真正有意義‧
燒~~~肉粽啊！燒~~~肉~粽！
芳搁好食喔~~~!