jimmycmlin的部落格

新聞辭典~~~~~登記婚佮儀式婚~~~~~遊子
過去佇咱台灣查埔查某經過嫁娶才組立新家庭，這種方式逐家攏承認嘛攏慣勢啦！
不過，民法關於結婚的相關規定，自2008年5月23日起有重大的改變，逐家一定要
好好仔斟酌瞭解清楚，因為進前的結婚採用儀式婚就准算，自2008年5月23日起全
面廢除儀式婚，改變採用登記婚才算是喔！按呢講，什麼是登記婚？佮什麼是儀式
婚？
咱先講什麼是儀式婚：
儀式婚亦就是查埔查某双方的嫁娶一定要採用公開的儀式，親像依照傳統民俗的嫁
娶佮請食新娘桌，亦是現代的公證結婚等等，攏一定是佇公開的所在所舉行的儀式
；而且要有2個以上的見證人，按呢查埔查某双方的嫁娶就准算啦！後來是毋是有
去戶政事務所辦理家甲的戶口登記，攏無要緊啦！並袂來影響到婚姻的效力‧
續落來講什麼是登記婚：
規定查埔查某双方的嫁娶一定要準備文字的書類資料，親像記婚證書，書類資料上
一定要當事人親身簽名，佮有2個以上的證人簽名，續落來一定要2個嫁娶的當事人
同齊到戶政事務所辦理結婚家甲的戶口登記，登記後查埔查某双方的嫁娶才有准算
喔！抑無，干哪請幾仔百桌後來無去辦理結婚登記，猶原無准算喔！
嫁娶是人生大代誌，逐家當然需要慎重其事，嘛需要依照法律的規定辦理才是啦！