jimmycmlin的部落格

台語文~~~~~逐家來拍保齡球~~~~~遊子
逐個朋友：平安！
工作真無閒，壓力嘛大，會悿(勿會)？
來！保證予你戲著真夠氣 ，免錢嘛無限時間；
滿分是300分，看你拍有幾分？
不過，要細膩喔！抑無目睭會脫窗去啊！

http://ak.imgag.com/imgag/product/full/ap/3040935/graphic1.swf
(註：歹勢，踮遮無法度直接連結，請由正手爿上下跤的新資料夾"逐家來拍保齡球"會當直接連結‧)

保齡球(Bowling)的歷史：
在西元三、四世紀時，歐洲教會有一種測量信徒信仰度的戲法，叫做「打擊魔鬼」
，就是將一寡仔圓的柴棍子囥在壁角，叫信徒由規定的距離外，輪出一粒圓球型的
物件，如果會當將圓的柴棍子撞倒，表示信徒的信仰是真正誠心誠意，抑無就是無
夠誠心誠意啦！

在拄仔起頭時，感覺是真嚴肅的宗教儀式，不過，一般人在練習的過程中，感覺非
常趣味，後來，就慢慢仔演變做和信仰度無關係的休閒運動。
這種戲法早期攏是在室外進行，其中和即馬相倚近的「9支棍子式」保齡球是荷蘭
人上起先創造出來的，德國宗教改革家馬丁路德嘛非常推崇o-lo，伊進一步制定
規則、重新整理柴棍子為四角形排列，大大提高戲的趣味性。
十七世紀時，荷蘭移民將伊引入去美國，予迄當時的拓荒者帶來真正讚的娛樂，真
濟人嘛利用伊做博徼的工具，因為嘛引起真濟犯罪的事件，到尾仔予州政府感覺頭
大，下令禁止戲「9支棍子式」保齡球。
禁止令對真濟將伊做為正當休閒活動，愛戲的人來講，打擊真正大，所以，這陣人
復激破頭腦，想辦法將伊改頭換面，重新踏入江湖，所以，現此時所戲的：10支柴
矸仔式，排做正三角形的保齡球局就出現囉！新的保齡球戲法毋哪得到大多數人的
支援佮歡迎，在1847年時，在紐約的一個小鎮成立了俱樂部，定期舉辦比賽，自按
呢，漸漸時行到全美國，復時行到全世界逐所在。