jimmycmlin的部落格

莊子講(1)~~~~~寒蟬佮靈龜~~~~~遊子整理
世間人攏講：彭祖食到800歲，是人世間內上長歲壽的啦！
但是，有一種細尾蟲仔叫做朝菌，透早來生出世，暗來，日頭落山就死去‧
伊根本就毋知影月圓月缺，什麼叫做1個月！
另外，有一種蟲仔叫做寒蟬，春天生落來，熱天到就死去；伊根本就毋知
影什麼叫做四季啊！
猶有，佇楚國南爿的海底，有一種真大隻的靈龜，500年對伊來講，親像過
一個春季爾爾，續落來的500年對伊來講，嘛是親像過一個秋季爾爾‧
搁卡早的上古時代，有一種椿樹，8000年對伊來講，親像過一個春季，另外
的8000年對伊來講，嘛是親像過一個秋季爾爾‧
像朝菌和寒蟬，咱將in叫做小年，靈龜和椿樹，咱將in叫做大年‧小年是無
法度去了解和感受著大年心內所想的代誌‧
所以，用彭祖和靈龜、椿樹來對照比較，嘛算是小年爾爾‧照按呢看，世間
人將彭祖認定是長歲壽，這甘毋是小年的悲哀？