莊子講(2)~~~~~細隻茨鳥仔的得意~~~~~遊子
大鵬鳥展翅一飛，就飛到9萬里外懸的天頂去啦！天頂雖然懸佮闊，
伊想bhue飛去東西南北，攏無問題‧
歇佇樹仔枝頂的細隻茨鳥仔，看到大鵬鳥按呢飛，就笑講：唉啊！
出hiah大的戇力，飛到赫呢懸bhue創什麼？親像我，企佇樹仔枝
頂唱歌、跳舞，抑是飛落去土跤面，cue寡仔細尾蟲仔來食，自由
自在，來來去去，甘毋是真逍遙快活過日子‧
這是因為細隻茨鳥仔的眼光、知識、心內所想的代誌和飛的才調，
和大鵬鳥完全無共款‧有先天的關係，嘛有後天的因素‧造成無共
款的結果‧
所以，咱嘛毋通來笑細隻茨鳥仔，嘛毋免去欣羨大鵬鳥‧因為，這
是無法度用什麼做一定的標準，來比較誰的輸贏啊！
全站熱搜
留言列表
