jimmycmlin的部落格

新聞辭典~~~~~本土投資法~~~~~遊子
美國眾議院佇舊年年底通過”本土投資法”(Homeland Investment Act.)‧
明確規定企業佇海外賺錢收益的所得稅稅率由35%調降落來變成5.25%，期限1年
(2005.01-12.)。伊規定的條件是：企業愛將佇海外賺錢收益匯轉去美國，而且
佇1年內用落去美國國內固定的資產投資、削減債務、買回股票、抑是培養訓練員
工和增加僱用美國國內的員工等等，就會當享受到5.25%的優惠稅率‧
美國政府公佈”本土投資法”了後，國際的投資機構攏認為，會當吸引真大金額的
資金流轉去美國國內‧摩根大通銀行就估計，會當適用即項法案的美國資本金企業
，佇海外賺錢收益達到6500億的美金喔！這中間上少有4000億的美金，可能會回
流轉去美國國內‧這對有外資走來走去，出出入入的國家地區的資本市場，有真大
的影響‧
不過，台灣的中央銀行總裁就講：﹝勿會﹞互外資熱錢來決定新台幣的匯率‧是毋
是擋會diau外資熱錢的出出入入？逐家就目睭掰金看啦！