jimmycmlin的部落格

新聞辭典~~~~~台灣虎頭蜂~~~~~遊子
新聞報導：有登山友佇南投縣信義鄉的郡大林道，受到虎頭蜂群圍攻，
10外人受傷，並造成1個人因為搶救不及，最後死亡的不幸意外事件‧
虎頭蜂屬於昆蟲綱，朕翅目‧in飛行活動的範圍真闊，由平地一直到海
拔1250公尺懸的山區，攏會當看到in飛行的身影‧基本上佇台灣接看到
的虎頭蜂種類有7種類：黃腰種、烏腹種、黃跤種、台灣大種、烏尾種、
擬大種和威氏種等等‧
大多數的虎頭蜂攏是群居性，大部份是in日常生活的範圍，去互人攪擾
到時，才會歸陣去攻擊侵入者；抑是不幸去互in釘到，皮膚就開始會紅
、腫、刺痛、頭眩目暗、喘氣感覺艱苦等症頭出現，抑準原本有過敏體
質的人，就有可能引起過敏反應，卡嚴重的就造成休克、昏落去；抑是
原本就有心臟病、夏龜喘的人，就有造成性命休去的危險喔！
初步判斷，佇郡大林道造成傷亡意外的兇手，可能是上歹、上惡的烏腹
種虎頭蜂，伊的毒液佇攝氏20.9度的時，PH值是4.02，屬於酸性，蜂毒
會當藏佇人體內底2-4工，所以，萬一，不幸去互in釘到，愛趕緊送去病
院來治療，才是正確的處理方式‧