jimmycmlin的部落格

莊子講(3)~~~~~惠施的大葫蘆~~~~~遊子
惠施是莊子的老朋友，有1工，伊對莊子講：魏王互我一寡仔大葫蘆的種仔‧我就提去
種，後來有影結出真大粒的葫蘆瓜，看起來會當貯入5石的量喔！不過，真無採，伊的
外殼無夠硬，材質無夠勇，提來貯水，一提起來就破去；甲切做2爿，又搁傷淺，貯無
若濟物件‧所以，我認為遮的葫蘆瓜雖然是真大粒，大嘛無好用，囥佇看媠嘛佔所
在，真費氣，不如將伊拍破，煞煞去‧
莊子聽了後就講：唉呀！有影真無採工啦！你辛辛苦苦種出來的結果，因為你的無知，
﹝勿會﹞曉利用，拍sng人的物‧遮尼阿大粒的葫蘆瓜，你將伊的腹內挖空，用塞仔塞
著，復用網仔套起來，將in綁佇你的腰，就變成真好用的“腰舟“啊！予你浮上水面
﹝勿會﹞沉落水底，這嘛是真歡喜的代誌啊！誰講大葫蘆是一定愛將水囥佇內底？將水
貯佇外頭親像“腰舟“，嘛是真好用啊！
所以，惠施認為無路用的大葫蘆，佇莊子來看是真有用的物件‧什麼代誌攏共款，抑
是會曉用腦筋變通，就會揣出活路、新步數，這就是“無用之用”啦！