台語文~~~~~笑科集﹝輯﹞-3~~~~~遊子
(17).佇一個風颱暝，阿益和阿塗兩人向一位標潑的獨身查某人拜託，想﹝要卜﹞借伊的
農舍稍歇睏過暝‧半暝仔，阿塗聽到阿益恬恬仔落眠床，﹝走坐﹞入去迄個查某人的
房間‧過了後，阿塗亦一直毋﹝言別﹞搁提起這項代誌‧
三年了後，阿塗收到一張掛號批，伊手提批行入去阿益的辦公室，大聲喝講：
“你猶會記得三年前，風颱暝借農舍過暝，你偷偷仔，﹝走坐﹞入去迄個好心查某人
的房間，所做的好代誌喔？”
“當然會記得啊！安怎樣？”阿益輕輕仔應‧
“你假作是我，享受完報出我的名，對喔？”阿益搁大聲問‧
“是啦！歹勢啦！”阿益心內驚驚，輕輕仔應“你問這﹝要卜﹞創什麽？”
“迄個好心的查某人，前無若久往生啊！伊將一大筆財產指名留互我‧”
(18).有一個人到診所尋先生，對伊講：“我是專工來向你說謝耶‧”
“免客氣啦！”先生講“不過，真失禮，我﹝勿會﹞記得你是患者抑是病人的財產繼承人？”
(19).李桑和伊的牽手出國遊覽坐飛行機，2人的位是：24c和24d，請空中小姐帶﹝人因﹞去‧
“李先生，你是豬(24d)，佇﹝辶下﹞”空中小姐指迄個位講‧
“阿~~我的呢？”伊的牽手綴哩問‧
“喔！當然妳是死(24c)佇伊的邊仔‧”
(20).阿爸帶歸家伙仔去野外露營‧
第2工透早起來，伊就真歡喜，不過，看到土跤的物件，面像憂憂，大聲問囝仔：
“恁早起頓的麵包﹝要卜﹞抹什麼好料的？”伊續落去講
“有參沙仔的牛油、加細尾蟲仔的起司片抑是有活力狗蟻的果子仔醬？”
(21).隔壁的阿貞姑娘仔，因為愛嫷驚傷肥，每工攏干哪食芎蕉‧
結果，看伊體重減無若濟，不過，看伊﹝足百﹞樹仔真溜掠，2、3下就﹝足百﹞上樹仔頂囉！
(22).2個老翁仔﹝女每﹞散步到公園底，看到長椅條仔頂有1對少年的愛人仔，拄好喙對喙，
斟甲熱勃勃‧“你看，你有法度學迄個少年家仔麼？”﹝人因﹞﹝女每﹞細聲仔問‧
“學伊是簡單啦！”老翁仔應講“不過，我根本就無熟似迄個少年小姐啊！”
(23).老李的真愛唱卡拉ok，伊的太太為了配合伊的趣味，嘛時常佇洗浴時，
認真練習唱歌‧有一擺佇浴間仔唱“夜來香”，大聲唱著真歡喜‧
忽然間聽到門外，伊的細漢囝，親像著驚問伊阿兄講：
“是毋是咱無乖，抑無，阿母是安怎吼甲赫悽慘，赫呢阿久猶未出來？”
(24).阿忠佇網路拍賣站看到1隻真嫷的警犬的相片，感覺非常甲意‧
就注文迄隻‧收到了後，完全和相片無共款，感覺是互人騙去，就﹝扌卜﹞電話去問清潔，
討公道‧對方回應講：人不可貌相，狗嘛是共款喔！”
佮講：“放心，你收到迄隻是便衣的啦！”
留言列表
